A deputada do BNG, Noa Presas preguntou ao conselleiro de Sanidade polas previsión para garantir a cobertura da atención pediátrica na bisbarra de Monterrei.
A nacionalista lembrou que grazas ‘a mobilización veciñal ”, que volveu encher masivamente as rúas de Verín o 11 de febreiro, “o conselleiro de sanidade movía ficha” a pesar de tentar ocultalo e hai case dous anos suprimiran, pola vía dos feitos unhas das tres prazas de pediatría no Centro de Saúde de Verín quedando, durante un ano, só dúas operativas. Posteriormente, explicou a nacionalista, unha das profesionais solicitou a excedencia “quedando o servizo en precario”, cunha soa profesional e obrigando ás familias a días de espera ou a desprazarse até Ourense para a atención sanitaria das crianzas.
“Arredor de 4.000 nenos e nenas sen garantías de servizo pediátrico, porque ao servizo de pediatría acoden nenos e nenas de fóra da vila de Verín” e ante esta situación, a demanda social provocou que vostedes reaccionaran
incorporando temporalmente un pediatra xubilado. Sen embargo, o 25 de maio era publicada no DOG a convocatoria do proceso selectivo para cubrir prazas de difícil cobertura.
Hoxe, afirmou a deputada do BNG, “a situación é de calma ante a treboada” porque o pediatra reincorporado aínda continúa prestando servizo e a profesional en excedencia xa se reincorporou pero a situación, é de “calma antes da treboada” ante a inminente marcha do pediatra xubilado, as vacacións das dúas pediatras e a falta de prazos e garantías para cubrir as prazas de difícil cobertura.
A xente, dixo, Presas está moi preocupada por esta situación e ante o incremento de poboación no verán porque descoñecen, se finalmente contarán con servizo de pediatría en Verín e en que prazo, concluíu.
