BNG pide as comparecencias de Sánchez e Grande-Marlaska despois do acontecido en Melilla

Néstor Rego
Néstor Rego
A iniciativa está rexistrada conxuntamente con EH Bildu, CUP, Compromís, Más País Verdes-Equo, Junts e ERC

Os grupos políticos presentaron hoxe no Congreso unha petición para as comparecencias do Presidente do Goberno, Pedro Sánchez, e o Ministro do Interior, Fernando Grande-Marlaska. Desta maneira, as formacións apúntanos como figuras responsábeis dos feitos ocorridos en Melilla que remataron, que se saiba, coa vida de 37 persoas até hoxe. Sinalan que a traxedia é unha “consecuencia das políticas migratorias da Unión Europea e o novo acordo entre o goberno do Estado español e o goberno marroquí”.

Con esta iniciativa, BNG, EH Bildu, CUP, Compromís, Más País Verdes-Equo, Junts e ERC oponse ás declaracións de Pedro Sánchez do pasado venres, onde o presidente pechaba filas coa actuación do exército de Marrocos.

Afíliate, faite do bloque
Anímate a dar o paso, súmate ao proxecto do BNG