Luís Bará acada un acordo unánime no Parlamento para retirar as inscricións franquistas das igrexas

Luís Bará
Luís Bará

En concreto o BNG pide a retirada urxente das inscricións franquistas da igrexa de Santiago en Cangas

Luís Bará acada un acordo unánime no Parlamento para retirar as inscricións franquistas das igrexas

Coincidindo coa presentación da denuncia do BNG ante a Fiscalía, debatíase en comisión no Parlamento galego a proposición no de lei defendida polo deputado, Luís Bará reclamando a “retirada das inscricións franquistras existentes nas fachadas das igrexas católicas e concretamente  da igrexa de Santiago no concello de Cangas. A proposición non de lei nacionalista acadou o apoio unánime polo que se iniciarán as negociacións entre a Xunta e a Igrexa católica  para  retirar toda a  da simboloxía franquista existente nas fachadas das igrexas.

O parlamentario lembrou que a Xunta ten competencias en patrimonio e obrigas a hora de cumprir a lei de memoria histórica ademais de contar cun convenio  asinado no ano 1995 coa Igrexa católica para actuar neste ámbito. No caso concreto de Cangas, dixo,  a demanda transcende a moitos anos por parte do goberno municipal e da Asociación da Memoria histórica deste concello. As negociacións coa Igrexa católica non prosperaron polo que o deputado do BNG agarda que o acordo parlamentario de hoxe “poña fin a moitos anos de loita” para retirar elementos colocados de maneira “agresiva, ofensivos de exaltación do franquismo”

O acordo parlamentario obriga á Xunta a negociar coa Igrexa Católica  a retirada de toda a simboloxía franquista  en todas as  igrexas galegas, e no caso concreto de Santiago en Cangas de  “maneira inmediata” e de non ser así, iniciar os expedientes pertinentes.

Para o deputado resulta “un anacronismo e anomalía” que pervivan elementos destinados a enaltecer o franquismo coa complicidade de quen permite que se manteña esa simboloxía polo que amosou a súa satisfacción por un acordo para retirar  as referencias “aos caídos por Dios e pola Patria” e iniciando  as negociacións co  Arcebispado de Santiago para a retirada destas inscricións  na igrexa de Santiago en Cangas.