Imprimir

Luís Bará: “A familia Franco debe resarcir ao pobo galego por gozar 40 anos do Pazo de Meirás”

BNG - Bloque Nacionalista Galego | 26 de xuño de 2018

Ocupación simbólica do Pazo de Meirás
Ocupación simbólica do Pazo de Meirás

Avanza que a lei galega de Memoria histórica promovida polo BNG esixe a devolución do Pazo e dos bens espoliados pola familia do ditador

En relación ao informe xurídico e histórico encargado pola Xunta e cuxas conclusión fixéronse públicas, o deputado do BNG por Pontevedra, Luís Bará  manifesta  que os informes e iniciativas tramitadas pola  Deputación de A Coruña ante Patrimonio do Estado, son materia suficiente para xustificar “a recuperación e devolución do Pazo de Meirás e doutros bens espoliados” pola familia do ditador Franco, polo tanto, o informe, afirma Bará “non muda en sentido substancial o contido do informe encargado pola Deputación de A Coruña”.

O BNG REXEITA A INDEMNIZACIÓN Á FAMILIA FRANCO

Sen embargo, o nacionalista pon o énfase e malestar do BNG no aspecto recollido no informe sobre a posibilidade de indemnizar á familia Franco  polos gastos derivados “do desfrute e goce desta residencia durante 40 anos”. O BNG, reitera Bará, considera que a situación debería ser inversa, e dicir, “a familia Franco debe resarcir ás arcas públicas polo desfrute duns bens espoliados e roubados”. Sobre estes bens, explica o deputado, é probable que se deran transaccións e beneficios para a familia Franco. Esta cuestión debe ser, en opinión do parlamentario do BNG, resolta pola administración do estado porque conta cos mecanismos e resortes necesarios con base nestes informes.

Por outra parte, na proposta de lei que está a tramitar o Congreso dos deputados, a instancias do PSOE, debe incluírse a devolución do Pazo e outros bens que na actualidade están baixo o dominio e desfrute da familia Franco.

O deputado avanza  que o BNG promoverá a lei galega de Memoria histórica que recolla a actual situación do Pazo de Meirás e a súa devolución ao pobo galego.

 
 
Podes ver este artigo na próxima dirección /articulo/novas/luis-bara-familia-franco-debe-resarcir-ao-pobo-galego-gozar-40-anos-do-pazo-meiras/20180626161104022428.html


© 2020 BNG - Bloque Nacionalista Galego

Bloque Nacionalista Galego
Avda. Rodríguez de Viguri, 16 baixo
15703 Santiago de Compostela
GALIZA
CIF: G32014003
Correo: [email protected]
Teléfono: 981555850

facebook twitter youtube whatsapp telegram instagram flickr