Imprimir

O BNG pide ao Goberno central que aprobe a utilización do medicamento INTERFERÓN Alfa2B contra o coronavirus

BNG - Bloque Nacionalista Galego | 04 de abril de 2020

Foto: Ariel Cecilio Lemus (Granma)
Foto: Ariel Cecilio Lemus (Granma)
O deputado Néstor Rego destaca que este medicamento xa foi probado e experimentado con éxito en todo o mundo, así como na provincia chinesa afectada polo  COVID-19,  Wuhan.

O Bloque Nacionalista Galego insta o Goberno a través dunha Proposición non de Lei, a realizar todos os trámites e xestións necesarias para so-licitar do Goberno da República de Cuba a utilización do medicamento denominado  INTERFERÓN Alfa2B Recombinante Humano, que demostrou ser de gran utilidade e eficacia na loita contra o  COVID 19, tanto en pacientes infectados, como na protección do persoal sanitario que atende aos enfermos.

“O medicamento denominado Interferón  Alfa2 B Humano Recombinante, foi creado en Cuba a principios dos anos 80 a partir dunha concepción biomédica orixinal e hase  testado e experimentado con resultados sobresalientes en todo o mundo” destaca o deputado Néstor Rego. O BNG sinala que a capacidade deste fármaco para  aumentar as defensas naturais foi probada nas catástrofes de Nepal, Haití, Irán, Ecuador e México. Na provincia de Wuhan, China, epicentro da pandemia do COVID-19 foi específico e clave para recuperar infectados e tamén moi útil na protección efectiva do persoal médico e sanitario contra o contaxio.

Rego subliña que o feito de que “o goberno de Washington recuse e persiga desde hai 61 anos as ideas, a práctica política, o comercio e as patentes de Cuba, non impediu manter as relacións entre o Estado español e a República de Cuba”. É por iso, que os nacionalistas demandan que, hoxe o Estado Español e a Unión Europea, deben facer caso da eficacia do medicamento e non dos bloqueos, e soliciten utilizar o Interferón  Alfa2 B Humano Recombinante que, que xa está a ser reclamado, como dereito de comercio libre amparado pola lei internacional, por Italia (Lombardía), Colombia, Francia, República Dominicana, Salvador, Panamá, Xamaica ou as Granadinas, entre outras nacións alcanzadas polo coronavirus.

 

Podes ver este artigo na próxima dirección /articulo/novas/bng-pide-ao-goberno-central-aprobe-utilizacion-do-medicamento-interferon-alfa2b-coroavirus/20200404141728026852.html


© 2020 BNG - Bloque Nacionalista Galego

Bloque Nacionalista Galego
Avda. Rodríguez de Viguri, 16 baixo
15703 Santiago de Compostela
GALIZA
CIF: G32014003
Correo: [email protected]
Teléfono: 981555850

facebook twitter youtube whatsapp telegram instagram flickr