Imprimir

Ana Miranda defende na Asemblea de EuroLat a soberanía dos Pobos e a non inxerencia

BNG - Bloque Nacionalista Galego | 28 de Febreiro de 2019

Ana Miranda e Evo Morales
Ana Miranda e Evo Morales

A eurodeputada do BNG representa aos Verdes–ALE na Asemblea Europarlamentaria Euro-Latinoamericana

A eurodeputada do Bloque, Ana Miranda, participa este mércores e xoves na Asemblea Europarlamentaria Euro-Latinoamericana (EuroLat) en representación do Grupo parlamentar da Eurocámara Verdes-Alianza Libre Europea/ALE, no que está integrado o BNG, que se celebra por primeira vez en Bolivia, en concreto na cidade de Santa Cruz de la Sierra -

Neste contexto, Miranda defendeu a soberanía dos Pobos e a non inxerencia internacional, ao igual que fixo o presidente do Estado Plurinacional de Bolivia Evo Morales, quen deu o discurso inaugural da asemblea, facendo fincapé na loita pola paz e o respecto dos Pobos, así como a xustiza social e o diálogo.

Coa participación tanto de eurodeputados como de representantes dos Parlamentos de Latinoamérica e o Caribe, esta asemblea de EuroLat ten o obxectivo de avaliar a labor realizada ao longo dos últimos cinco años e facer novas propostas de cara á vindeira lexislatura.

Decisións conxuntas

Por outro lado, facilitar decisións conxuntas en temas como a loita contra o cambio climático, a xestión migratoria ou a loita contra a pobreza e a desigualdade son algúns dos temas que centran o cumio, así como os procesos electorais previstos nos próximos meses, desde as eleccións ao Parlamento Europeo aos comicios en Panamá, Guatemala, Uruguai, Arxentina e Bolivia.

A Asemblea Parlamentaria Euro-Latinoamericana (EuroLat) creouse no ano 2006 e está integrada tanto por eurodeputados como por representantes dos Parlamentos de Latinoamérica e o Caribe e entre as súas funcións figura adoptar e presentar resolucións e recomendacións a diferentes organizacións, institucións e entidades.

 

Podes ver este artigo na próxima dirección /articulo/novas/ana-miranda-defende-asemblea-eurolat-soberania-pobos-non-inxerencia/20190228175912023894.html


© 2019 BNG - Bloque Nacionalista Galego

Bloque Nacionalista Galego
Avda. Rodríguez de Viguri, 16 baixo
15703 Santiago de Compostela
GALIZA
Correo: [email protected]
Teléfono: 981555850

facebook twitter youtube whatsapp telegram instagram flickr