Tereixa Paz anuncia que pedirá amaparo á Mesa do Paralamento por vuleneración dos seus dereitos como deputada ante a negariva de Montes a responder a unha pregunta dirixida ao Goberno
A deputada do BNG tiña a intención de formular unha pregunta na Comisión de Agricultura sobre o posible pacto entre Celbi (Portugal) e Ence (Galiza) para facerse co mercado da madeira dos dous países e impoñer os prezos que perciben os produtores. A pregunta do BNG dirixida ao Goberno tiña que ser respondida polo secretario xeral de Montes pero Tomás Fernández Couto, presente na Comisión, delegou a resposta no membro do Consello Galego da Competencia o que provocou que a nacionalista renunciara a formular a pregunta e anunciara que elevará unha protesta ante a Mesa do Parlamento
Santiago de Compostela, 25 de xuño, 2015. A deputada do BNG, Tereixa Paz principio a súa intervención mostrando o seu estupor ante a negativa do secretario Xeral de Montes, Tomás Fernández Couto a responder á pregunta do BNG dirixida ao Goberno e delegar a resposta nun membro do Consello Galego da Competencia, a pesar de atoparse Fernández Couto na Comisión de Agricultura para responder a diversas preguntas da orde do día.
Tereixa Paz anunciou que solicitará o amparo da Mesa do Parlamento polo acontecido na Comisión na que estando presente o Secretario Xeral de Montes para responder a unha pregunta dirixida á Xunta , se esconda e decida que debe ser outra persoa a que responda. Paréceme, dixo, unha falta de respecto a min e ao meu grupo parlamentar e anunciou que elevará unha protesta e pedirá o amparo da Mesa do Parlamento ante a vulneración dos seus dereitos. A pregunta, reiterou, non vai dirixida a vostede, vai dirixida ao Goberno e debe ser o secretario xeral de Montes quen responda.
