O Ministerio de Interior denuncia a militantes do BNG por protestar contra a estafa das peaxes da AP-9

O Bloque xa anuncia que recorrerá estas multas e considera o mundo ao revés que sexan sancionadas as persoas que denuncian a estafa "legal" das peaxes

O Ministerio de Interior denuncia a militantes do BNG por protestar contra a estafa das peaxes da AP-9

O BNG denuncia que o Ministerio de Interior está enviando expedientes sancionadores a militantes do BNG que participaron no acto de protesta do pasado mes de decembro contra a estafa da subida das peaxes da AP-9. A citada protestas realizouse durante a farsa de inauguración das obras inacabadas da ampliación da ponte de Rande, -protagonizada polo presidente do Estado e polo presidente da Xunta, Raxoi e Feixóo-.

A día de hoxe, resulta evidente que a apertura dos novos accesos de Rande foi precipitada co único fin de beneficiar á concesionaria, -a costa da seguridade dos traballadores e dos [email protected] [email protected], dando a AUDASA luz verde para subir unhas peaxes que o Bloque considera unha estafa legalizada, e que se aplican nun país que ten os segundos salarios máis baixos do Estado. De novo o PP, con Feixóo á cabeza, colócase do lado da multinacional en lugar de defender os intereses dos e das galegas, permitindo que a concesionaria siga facendo caixa e prestando un servizo de terceira, como queda plasmado nos milleiros de denuncias que acumula.

O Bloque xa anuncia que recorrerá estas multas e considera o mundo ao revés que sexan sancionadas as persoas que denuncian a estafa "legal" das peaxes durante unha inauguración fraudulenta e mesmo ilegal de obras inacabadas, cando o que debería facer o Goberno central e a Xunta é pedir explicacións a empresa executora da obras e a AUDASA e, como mínimo, paralizar calquera incremento nas peaxes.