O grupo parlamentario do BNG celebrou hoxe, nas inmediacións do Parlamento, unha sesión plenaria para dar voz e protagonismo a diversos colectivos. Con esta iniciativa, o BNG escenificou as accións de protesta contra o recorte de dereitos parlamentarios e a negativa do PP a que a cidadanía formule as súas demandas dentro da institución parlamentaria.
O pleno alternativo organizado hoxe polo BNG na rúa, foi iniciado polo portavoz do grupo parlamentario, Francisco Jorquera e moderado pola deputada Tereixa Paz como Presidenta dunha sesión plenaria na que que alzaron a súa voz diferentes representantes do mundo do feminismo, cultura, sanidade, ensino, movementos sociais, plataformas de emigrantes retornados e preferentistas, sector do cerco, flota do xeito, sector gandeiro, contra a privatización dos servizos públicos e desafiuzamentos e en defensa do patrimonio, lingua e cultura galega.
O portavoz nacional do BNG, Xavier Vence así como diferentes representantes de organizacións sindicais, culturais e sociais asistiron ao pleno alternativo na rúa organizado polo BNG.
O BNG da voz aos colectivos sociais
O portavoz do grupo parlamentario, Francisco Jorquera iniciou a sesión plenaria alternativa afirmando que neste pleno o protagonismo correspóndevos a vós e esta iniciativa responde á decisión da Mesa do Parlamento de recortar as iniciativas que poden ser defendidas en pleno polo BNG, unha decisión, recalcou, violando as garantías procedementais e mesmo modificando as normas que existían no Parlamento galego. Imaxinade, ironizou, se nun partido de fútbol cambian as normas cando xa vai pola metade, neste caso, aplícanse unhas normas para uns grupos e outras diferentes para outros, atentando contra os dereitos dos deputados e deputadas.
Hoxe, queremos compartir con vós a seguinte reflexión: recortar os dereitos dos grupos parlamentares é atentar contra os vosos dereitos, contra os dereitos do pobo galego intentando tapar a voz ás demandas galegas impedindo que sexan debatidas.
Hai unha estratexia evidente do Partido popular para anular o Parlamento porque lle molesta calquera foro onde se poidan escoitar voces críticas e propostas alternativas, temos un Partido popular que utiliza a súa maioría absoluta como rolo para impedir que Feijóo compareza e non responda ás preguntas formuladas pola oposición.
O PP usa a maioría absoluta para negar que se investiguen comisións como a do accidente ferroviario de Angrois. No pleno que agora comeza na Cámara galega será debatida unha iniciativa do BNG, a última hora da tarde, sobre o despedimento colectivo dunha empresa da Mariña e no uso arbitrario das normas parlamentarias, nese debate, o BNG non pode convidar aos afectados á tribuna pero sen embargo haberá convidados do Partido popular.
Recorte de dereitos e liberdades á sociedade galega
Jorquera tamén se referiu a chamada lei mordaza que pretende recortar dereitos fundamentais como o de manifestación ou de expresión, recortes de dereitos, dixo, como as multas a colectivos que demandan na rúa frear a inxustiza social, os desafiuzamentos, os recortes laborais, a estafa por preferentes, persoas que saen a rúa a defender os servizos básicos ou as mulleres que loitan contra a reforma do aborto. Nos últimos meses, as autoridades gobernamentais mesmo denunciaron a persoas que protestaron na rúa contra o saqueo das participación preferentes, entre elas unha muller que hoxe está aquí, Domitila e que a pesar de necesitar un andador por falta de mobilidade foi denunciada por representar un clarísimo perigo público non fai falta máis que vela, dixo Jorquera, a súa presenza representa unha alteración potencial da orde pública, parabéns Domitila por loitar polos dereitos de todos e de todas.
Asemade, lembrou que outra muller de 76 anos e un metro corenta e sete de estatura tamén foi multada por utilizar na rúa obxectos contundentes como golpear cun ferro un sacho sen mango, esta é a situación que estamos vivindo con medidas para intimidar e impedir as protestas.
O portavoz do grupo parlamentario advertiu que NON VAN CONSEGUIR QUE CALEMOS e baixo unha pancarta co lema O PARLAMENTO É DO POBO GALEGO principiou o pleno alternativo no que tomaron a palabra 36 colectivos formulando as súas demandas e reclamando o fin de todas as mordazas na rúa e no Parlamento galego.
Orde de intevención dos diferentes colectivos
Davinia Rubinos- Emigración xuvenil
Xosé Manuel Ribadomar- Conflito ambulancias
Abraham Herrero Menor- Supervivencia Aspanas Termal
Anxo Louzao/Fernando Lacaci. Plataforma Galega en defensa do ensino público
Marga Corral- Necesidade políticas a prol da igualdade
Xosé Manuel Garrido- Fundación Galiza Cultura
Miguel Ángel Corredoira-Dotacións HULA Plataforma (Federación Veciñal Lucense, Abre la Muralla, 200 entidades máis)
María Teresa García Abei- Armadora, problemática da flota do cerco
Xosé Lois Leirós- Coordinadora Nacional de Plataformas de Emigrantes Retornados
Iria Carreira- Plataforma Dereito a decidir (dereitos reprodutivos)
Anxo Noceda- Activista anti desafiuzamentos
Suso Domínguez e Xosé Xulio Vicente- Plataforma afectados polas Preferentes e Subordinadas
Chus Neira- Presidenta Comité empresa de Povisa
Noa Carrera Afonso- Plataforma defensa Castelo de Monterrei
Manel- CIG precarización condicións laborais
Teresa- Profesorado CELGA
Moncho Veras- Sos Sanidade Pública
Xosé Cuns- Rede Galega contra a pobreza
Jesús Sánchez Costa/Xose Barreiro- Xustiza e defensa Rexistros Civís Públicos
Leo Rei Castro- Ensino Universitario público
Patrón Ría de Arousa- Situación da Ría de Arousa
Xabier Villar Bello- Situación do servizo de emerxencias e consecuencias da privatización dos parques de bombeiros
Mesa Normalización Lingüística
Produtores lácteos
Manolo González Moreiras- Activista defensa sanidade pública, privatización hospital de Vigo
Antón Campos- Situación laboral xuvenil
José Bustelo- Federación ANPAS Costa da Morte. Situación do ensino
Xosé Alfredo Pereira- OGMVMC, situación do monte
Alba Nogueira- Profesora universitaria
Andrés Fernández- Asociación Pensionistas
Ana Fra Enríquez- Defensa carácter público Residencia maiores O Carballiño
Miguel Ogrel- Problemática flota do xeito
Juan Lores Lázara- Long Hope, problemática pensións Noruega
