Ana Pontón defende un novo modelo fiscal, unha banca pública galega e máis investimento en I+D+i

Ana Pontón defende un novo modelo fiscal, unha banca pública galega e máis investimento en I+D+i
  • A candidata do BNG á Presidencia da Xunta, Ana Pontón tras pronunciar unha conferencia no almorzo informativo organizado por “Nueva Economía Fórum”  respondeu ás  preguntas formuladas por representantes de diversos sectores e medios de comunicación

Pleno.- A candidata do BNG á Presidencia da Xunta, Ana Pontón manifestou hoxe no almorzo informativo organizado por “Nueva Economía Fórum Europa que o BNG presentase ás eleccións para “gobernar o país” e se Feijóo perde a maioría  serei  “a primeira en chamar a  Villares e a Leiceaga” para falar sobre propostas que permitan  un goberno alternativo. Neste sentido,   lembrou que no pasado debate celebrado o luns na RTVG foi “moi clara” á hora de falar de pactos tralo 25 S.

Ana Pontón respondeu ás preguntas d@s xornalistas

A preguntas dos xornalistas, a candidata do BNG amosouse convencida de que o próximo 25 de setembro os nacionalistas acadarán un excelente resultado porque o BNG ten solidez e ambición e “imos dar unha gran sorpresa nas eleccións”.

Preguntada polas diferenzas entre BNG e En Mareas, a candidata do BNG respondeu coa xestión dos gobernos municipais do BNG fronte a outros e ironizou asegurando que “nin son mareóloga” nin estudei esa especialidade na complutense. A miña preocupación, recalcou, é ser útil aos galegos e traballar para que saian desta difícil situación, “ o máis revolucionario que se pode ser en Galiza é ser nacionalista e confiar no que temos”, apostilou.

Intervención e Ana Pontón no Fórum EuropaA candidata nacionalista presentou as propostas do BNG en materia económica

Tras ser presentada polo alcalde de Carballo, Evencio Ferrero, Ana Pontón  pronunciou unha conferencia na explicou que Galiza é produtora  excendentaria de enerxía eléctrica soportando os custes ambientais e sociais e parecería de sentido común obter beneficios dos nosos recursos pero o Goberno central, “os de dereitas e esquerdas mantiveron unha lexislación que impón unha tarifa única para todo o Estado”, mentres noutros estados europeos contan con tarifas diferentes para produtores e consumidores de enerxía. O BNG propón “unha tarifa eléctrica galega para abaratar as facturas das familias e empresas”.

Ademais, a candidata tamén reclamou unha Banca pública porque “cada ano emigran do noso país 15.000 M€ dos aforros dos galegos e galegas” que serven  para crear riqueza e financiar proxectos fora de Galiza grazas ao desmantelamento do noso sistema financeiro dende Madrid e Bruxelas,  mentres o Goberno galego “servía aos intereses dese proxecto e mostrábase incapaz de salvagardar as caixas”. O desleixo do Goberno galego foi tal que mesmo impediu que no Parlamento galego “puidésemos investigar que pasou para chegar a esa situación” así como  as responsabilidades dos directivos que deixaron un “burato de máis de 8.000 M€.

O BNG quere investir máis en I+D+i

Ana Pontón defendeu a “xestión do aforro galego a través dunha Banca pública galega” que facilite o crédito as familias, autónomos e empresas e como primeiro paso, dixo Pontón,  propoñemos crear un Instituto oficial de crédito galego.

Outro dos obxectivos do BNG é duplicar os recursos en I+D+i e concentrar crédito en empresas de coñecemento e que aposten por localizar en Galiza actividades con un alto valor innovador.

Na súa alocución, a candidata nacionalista  aludiu as contas públicas das que dixo “hai un discurso oficial de que somos un territorio que non pode valerse por si mesmo”, o BNG propón a xestión e recadación dos nosos impostos a través dunha Facenda galega e  capacidade normativa para aplicar a política fiscal “que máis nos conveña”. Para blindar os servizos públicos e garantir o benestar social “non chegan os bos desexos”, precisamos recursos económicos públicos e só podemos facelo a través “dunha política fiscal propia”.

Ana Pontón criticou o sistema de financiamento “fortemente centralizado” polo que avogou por superar este actual status e podedes estar seguros, recalcou, que os recursos “non serán para rescatar a banca ou manter programas de armamento para seguir financiando guerras inxustas”. Non pode haber unha sanidade ou educación de calidade en Galiza senón contamos cunha política fiscal galega.