Néstor Rego defende no pleno do Congreso a iniciativa do BNG para transferir os activos da SAREB á Galiza

A iniciativa procura garantir vivenda digna na Galiza mobilizando máis de 4.000 inmóbeis -vivendas, solos e promocións- e transformalos en fogares dignos a prezos xustos ante a emerxencia habitacional

O deputado do BNG chama o resto de forzas políticas a apoiar a iniciativa que reclama transferir todos os activos da SAREB e integralos no parque público de vivenda

A iniciativa do BNG, finalmente, ten como puntos resolutivos:

O Congreso insta o Goberno a:

1. Informar con total transparencia sobre os activos inmobiliarios en mans da SAREB, sobre cales foron transferidos á SEPES e a situación de cada un deles aos concellos e comunidades autónomas en que se sitúan.
2. Traspasar á título gratuíto á Xunta da Galiza, así como a calquera outra Comunidade Autónoma que o solicite, e/ou aos concellos interesados, os activos inmobiliarios en mans da SAREB (vivendas, solos e promocións) ou transferidos á SEPES sitos nos seus territorios, para que os órganos respectivos competentes en materia de vivenda asuman a xestión, administración e planificación dos activos co obxectivo de incrementar a bolsa de vivenda pública accesíbel.
3. Estabelecer medidas áxiles e efectivas que permitan limitar o prezo dos alugueres e impedir a súa suba descontrolada, asegurando así o acceso á vivenda das persoas con menos recursos.
4. Fixar mecanismos de financiamento suficiente ás Comunidades Autónomas, administracións competentes en materia de vivenda, para desenvolver políticas de vivenda pública, especialmente en réxime de aluguer social e accesíbel, que permitan a efectivización do dereito a unha vivenda digna.