BNG considera que as explicacións ofrecidas por Pedro Sánchez son absolutamente insuficientes

O que o BNG reclamaba eran explicacións completas non (só) como Secretario Xeral do PSOE, senón como Presidente do Goberno, porque isto afecta á administración do Estado, particularmente ao Ministerio de Transportes . Como Presidente debe render contas con total transparencia.

Ante a gravidade dos feitos, o BNG exixe a Sánchez:

• A realización inmediata dunha auditoría externa de todos os contratos do Ministerio de Transportes neste período.
• A posta en marcha dun paquete de medidas eficaces contra a corrupción na Administración Pública.

Transparencia total e depuración de responsabilidades en todos os niveis políticos e administrativos.

O BNG defenderá sempre a limpeza institucional e o uso honesto dos recursos públicos, sen concesións nin ambigüidades.