Poderán votar a medio deste procedemento @s elector@s que se encontren temporalmente fóra do Estado español, unha vez efectuada a convocatoria das eleccións, que permanezan nesta situación até o día da votación, e que figuren inscrit@s no rexistro de Matrícula Consular como non residentes. A solicitude e a inscrición no rexistro de Matrícula Consular poden realizarse nun mesmo acto.
Unha vez realizada a solicitude de voto por correo, de resultar aceptada, non poderá votar persoalmente.
1. Solicitude do voto.
As persoas interesadas deberán solicitar o voto nos Consulados de carreira e Embaixadas até o 7 de marzo (inclusive).
Nas propias oficinas consulares poden recoller o formulario oficial de solicitude, ou ben descargalo telematicamente na seguinte ligazón:
2. Remisión da documentación electoral.
O envío da documentación necesaria para exercer o dereito de voto realizarase non máis tarde do 16 de marzo (ou 24 de marzo, se hai recursos contra a proclamación de candidatos) polas Delegacións Provinciais da OCE, e conterán a seguinte documentación:
- Certificado de inscrición no censo.
- Sobres de votación.
- Papeletas de votación en branco, que deberán cubrir coa denominación e siglas da candidatura á que van votar: BLOQUE NACIONALISTA GALEGO - BNG
- O sobre co enderezo da mesa electoral onde lle corresponde votar ao elector.
- Folla explicativa de todo o proceso.
- Un impreso oficial para solicitar, no seu caso, o reintegro dos gastos de franqueo.
3. Envío do sobre que contén o voto por parte d@ elector/a.
Até o 1 de abril poden remitir os seus sobres contendo as papeletas electorais (cubertas coa denominación “BLOQUE NACIONALISTA GALEGO - BNG”).