Imprimir

Maite Ferreiro reivindica en Lugo “políticas de emprego para que a mocidade non teña que emigrar”

BNG - Bloque Nacionalista Galego | 16 de abril de 2019

Lugo
Lugo

“No estado español non acaban de entender cal é problema do interior galego, precisamos voz en Madrid para frear a sangría demográfica” asegurou Ferreiro

Maite Ferreiro afirmou “hai que repensar o funcionamento dos servizos públicos de emprego por que non están a dar solucións reais”

A candidata do BNG ao congreso, Maite Ferreiro, manifestou na cidade de Lugo “a necesidade de poñer en marcha políticas de emprego para que a mocidade non teña que emigrar”. Maite Ferreiro lembrou “no BNG temos p propostas concretas para que novas empresas se poidan asentar e se manteñan as existentes” e puxo como exemplo “é preciso contar cunha tarifa eléctrica galega, necesitamos proxectos como o do banco de terras para reactivar o rural, e apostar por industrias transformadoras das producións primarias do país”.

“No estado español non acaban de entender cal é problema do interior galego, precisamos voz en Madrid para frear a sangría demográfica” asegurou Ferreiro en declaracións feitas diante da oficina de emprego da rúa Campos Novos de Lugo, onde estivo acompañada da Parlamentaria Olalla Rodil, do candidato á alcaldía, Rubén Arroxo, e integrantes das candidaturas do BNG. Maite Ferreiro afirmou “hai que repensar o funcionamento dos servizos públicos de emprego por que non están a dar solucións reais e sinalou “para moitas persoas que están en situación de desemprego non é útil este servizo tal e como está pensado na actualidade, tampouco para algunhas empresas que buscan persoas para traballar”.

ATAQUES Á CANDIDATA DO BNG DE PONTEVEDRA

Maite Ferreiro, dende Lugo, condenou as ameazas sufridas pola candidata do BNG de Pontevedra, Carme Dasilva. Por segunda vez, preto da súa vivenda, apareceron pintadas ameazantes co seu nome. Maite Ferreiro solidarizouse coa candidata de Pontevedra e afirmou “esa pintada é un ataque político ao BNG, e quen a fixo sabe que estamos en condicións de pelexar o escano á extrema dereita e manifestan a súa raiba deste xeito ante a posibilidade de que o BNG acade representación en Madrid”

Podes ver este artigo na próxima dirección /articulo/novas/maite-ferreiro-reivindica-lugo-politicas-emprego-mocidade-non-tena-emigrar/20190416133602024429.html


© 2020 BNG - Bloque Nacionalista Galego

Bloque Nacionalista Galego
Avda. Rodríguez de Viguri, 16 baixo
15703 Santiago de Compostela
GALIZA
CIF: G32014003
Correo: [email protected]
Teléfono: 981555850

facebook twitter youtube whatsapp telegram instagram flickr