Imprimir

O BNG reclama que o Blue Star sexa reparado integramente nas instalacións de Navantia

BNG - Bloque Nacionalista Galego | 13 de febreiro de 2020

Néstor Rego
Néstor Rego
O Bloque Nacionalista Galego demanda ao Goberno que realice as xestións oportunas para que o Blue Star sexa arranxado na ría de Ferrol en compensación polos prexuízos causados.

O deputado Néstor Rego rexistrou no Congreso unha Proposición Non de Lei reclamando ao Goberno que intermedie e realice as xestións necesarias para que o buque Blue Star, que encallara na ría de Ares, sexa reparado integramente nas instalacións de Navantia Ría de Ferrol.

O buque que encallou na costa das Mirandas, na Ría de Ares, evidencia unha vez máis a fraxilidade e vulnerabilidade da costa galega, sempre en risco de sufrir catástrofes medioambientais polo elevado tráfico marítimo que soporta. Recollendo as demandas dos e das representantes sindicais da Confederación Intersindical Galega en Navantia, ante a falta de traballo, o deputado Néstor Rego levou esta petición o Congreso.

O BNG ve unha oportunidade de facer da necesidade, virtude, transformando un accidente marítimo en emprego, resarcindo así, os prexuízos causados polo encallamento. A drástica caída da ocupación en obra nova, e polo tanto, a necesidade de materializar todas as posibilidades de contratación na área de Reparacións. Unha carga de traballo que chegaría precisamente a unha comarca e a un sector que leva xa moitos anos o borde do abismo.

 

Podes ver este artigo na próxima dirección /articulo/novas/bng-reclama-blue-star-sexa-reparado-integramente-nas-instalacions-navantia/20200213174518026547.html


© 2020 BNG - Bloque Nacionalista Galego

Bloque Nacionalista Galego
Avda. Rodríguez de Viguri, 16 baixo
15703 Santiago de Compostela
GALIZA
CIF: G32014003
Correo: [email protected]
Teléfono: 981555850

facebook twitter youtube whatsapp telegram instagram flickr