Imprimir

O BNG pide realizar test aos tripulantes da mariña mercante para poderen desembarcar

BNG - Bloque Nacionalista Galego | 25 de abril de 2020

Néstor Rego
Néstor Rego

Néstor Rego trasladou ao Goberno a situación en que se atopan os e as tripulantes da mariña mercante que non ven a ocasión de desembarcar despois de, en casos, máis de seis meses en alto mar.

O BNG alerta do problema derivado da caducidade dos recoñecementos médicos da tripulación que continúa abordo e que necesitan ter en vigor para poder desenvolver a súa actividade.

O deputado do BNG, Néstor Rego, solicitou ao Goberno a realización de test aos tripulantes da mariña mercante que chegan a porto para  poderen practicar os desembarcos e as substitucións necesarias sen perigo para os traballadores e traballadoras. A imposibilidade do desembarco fai que os buques conten con tripulantes con máis de seis meses a bordo e que, a pesar de ter o seu contrato cumprido, non poden desembarcar.

Outro problema que se deriva da imposibilidade de desembarco, apuntou Néstor Rego, afecta a vixencia dos recoñecementos médicos que “ante a imposibilidade de renovación, ao non poder a tripulación baixar a terra, expiran mentres as e os tripulantes continúan a bordo”. O deputado nacionalista salienta que “é un requisito esencial para as empresas que os tripulantes teñan os seus certificados médicos en vigor durante todo o tempo do embarque”. Moitos destes recoñecementos e certificados médicos teñen un tempo de vixencia inferior a seis meses, polo que lles expirará se non son autorizados a baixar a terra.

Mesmo unha vez que termine o período de illamento e se retome a actividade normal, “haberá seguramente un problema de saturación do sistema”, polo que os e as tripulantes probablemente teñan que esperar meses para conseguir o seu recoñecemento médico” e poder así embarcar, explica o deputado nacionalistas. Rego considera que toda esta situación se pode e debe resolver coa realización de test ás tripulacións.

 

Podes ver este artigo na próxima dirección /articulo/novas/bng-pide-realizar-test-aos-tripulantes-da-marina-mercante-poderen-desembarcar/20200425153251026935.html


© 2020 BNG - Bloque Nacionalista Galego

Bloque Nacionalista Galego
Avda. Rodríguez de Viguri, 16 baixo
15703 Santiago de Compostela
GALIZA
CIF: G32014003
Correo: [email protected]
Teléfono: 981555850

facebook twitter youtube whatsapp telegram instagram flickr