Imprimir

O BNG non asiste á inauguración de “Castelao Maxistral” pola manipulación que fixo Feixó da súa vida e obra

BNG - Bloque Nacionalista Galego | 05 de Outubro de 2018

Tralado da
Tralado da "Derradeira leición do mestre"

O Grupo parlamentario do BNG trasladou ao servizo de protocolo da Xunta un escrito no que explica o motivo da decisión de non asistir á inauguración da exposición Castelao Maxistral, no Museo Gaiás, decisión coa que manifesta a súa protesta polo discurso do presidente da Xunta no acto de recepción da obra A derradeira lección do mestre.

“Un discurso que supuxo unha nova tentativa de ocultación e de censura da obra de Castelao, unha terxiversación da historia e unha ofensa a todas as vítimas do franquismo en Galiza”, recolle o escrito. A obra transcende o seu valor artístico e estivo ao servizo dunha causa: O combate ideolóxico contra o fascismo que naquela altura estaba a devastar o país”, alega o BNG.

“É unha obra dun enorme simbolismo por representar na figura do mestre a Alexandre Bóveda, a todos os homes e mulleres que foron vítimas do masacre fascista”, cuestión que foi obviada na intervención do xefe do Executivo galego, dando unha versión descafeinada da mensaxe do cadro.

O BNG reclama unha visión integral da obra de Castelao, “fronte ás versións mutiladas e censuradas que se impuxeron na ditadura franquista e que seguen vixentes en webs institucionais e nos discursos oficiais”. “Castelao foi un nacionalista galego, un deputado, ensaísta e artista nacionalista, que loitou coa palabra, coa pluma e co pincel para construír a República galega. Os actos de ocultación e censura supoñen unha  ingratitude, porque se hai recoñecemento de Galiza como nacionalidade histórica é en grande medida grazas a Castelao”.

Podes ver este artigo na próxima dirección /articulo/novas/bng-non-asiste-inauguracion-castelao-maxistral-pola-manipulacion-feixoo-da-obra-castelao/20181005162901022935.html


© 2018 BNG - Bloque Nacionalista Galego

Bloque Nacionalista Galego
Avda. Rodríguez de Viguri, 16 baixo
15703 Santiago de Compostela
GALIZA
Correo: [email protected]
Teléfono: 981555850

facebook twitter youtube whatsapp telegram instagram flickr