Imprimir

O BNG considera “moi grave” a apertura de dilixencias contra o fiscal xefe de Ourense

BNG - Bloque Nacionalista Galego | 10 de Xaneiro de 2019

Noa Presas e Luís Bará
Noa Presas e Luís Bará

Pon en dúbida a independencia do sistema xudicial

Pide facer  unha reflexión sobre o “uso espurio”  da xustiza ao servizo de intereses políticos

Ante as dilixencias informativas abertas pola Fiscalía Xeral do Estado  contra o Fiscal xefe de Ourense, Florentino Delgado para esclarecer unha falta disciplinaria grave de “abuso de autoridade”, expediente disciplinario que tamén afecta ao Fiscal Superior de Xustiza, Fernando Suances, o  BNG quere expresar  a súa preocupación polo que considera unha xustiza ao servizo de intereses políticos.

Para o BNG, resulta de “máxima gravidade” a existencia de indicios que sustentan  á apertura das dilixencias informativas contra ambos fiscais porque poñen de manifesto “moitas dúbidas” sobre a súa actuación, así como a “independencia” do sistema xudicial.

O BNG considera que o expediente disciplinario contra Florentino Delgado e Fernando Suances, resulta  un novo exemplo da “falta de separación de poderes”   que se está a observar na xustiza española. Neste sentido, manifesta a insuficiencia de medidas para  apartar a estas persoas da actividade xudicial, mentres non se esclarezan as súas responsabilidades. 

Por outra parte, o BNG tamén considera necesario facer unha reflexión sobre o “uso espurio” da xustiza ao servizo dos intereses do Partido popular como aconteceu no caso do ex-alcalde de Ourense, Manuel Cabezas beneficiando a algúns promotores a través de cesións urbanísticas provocando continuos atrasos e demoras inxustificadas  así como graves repercusións para esfera pública e política.

Podes ver este artigo na próxima dirección /articulo/novas/bng-considera-moi-grave-apertura-dilixencias-fiscal-xefe-ourense/20190110144446023509.html


© 2019 BNG - Bloque Nacionalista Galego

Bloque Nacionalista Galego
Avda. Rodríguez de Viguri, 16 baixo
15703 Santiago de Compostela
GALIZA
Correo: [email protected]
Teléfono: 981555850

facebook twitter youtube whatsapp telegram instagram flickr