Imprimir

Aprobada no Parlamento a iniciativa do BNG contra as futuras peaxes nas autovías

BNG - Bloque Nacionalista Galego | 05 de Decembro de 2018

Luís Bará
Luís Bará

O deputado, Luís Bará asegurou que o anuncio do Goberno central,  abre a porta a peaxes en todas as autovías a pesar de que a súa construción e mantemento é  sufragado [email protected] contribuíntes

O deputado do BNG, Luís Bará defendeu hoxe unha proposta que acadou o apoio da Cámara galego contra a implantación de futuras peaxes nas autovías tras o anuncio realizado polo  Ministerio de Fomento.

Para o deputado do BNG,  a medida é “regresiva e cun fin exclusivamente  recadatorio”  e lembrou que as e os cidadáns xa contribuímos cos nosos impostos á construción e mantemento destas infraestruturas. Ademais  considerou que as peaxes discriminan aos galegos e galegas, “cos salarios e pensión máis baixas do Estado o que obriga a facer un esforzo maior ” así como o  risco para a seguridade viaria ao establecer “barreiras económicas” no acceso de vías máis seguras.

No texto do BNG aprobado hoxe, “O Parlamento de Galiza amosa a súa rotunda oposición á intención do goberno central de estabelecer peaxes nas autovías, por consideralo unha medida regresiva, que establece barreiras económicas no acceso á servizos básicos como son as infraestruturas viarias, pon en risco a seguridade viaria e que supón un atranco o desenvolvemento económico é a cohesión social na Galiza.”

O deputado do BNG recalcou que o anuncio das peaxes nas  autovías coincidiu coas demandas formuladas polas “construtoras” e lembrou que o BNG defendeu iniciativas solicitando a supresión das peaxes de competencia autonómica.

Por outra parte, cualificou de “escándalo” que teña que intervir a  Fiscalía ante os abusos de Audasa, mentres a Xunta e o Goberno central só mostraron coa concesionaria unha grande “pasividade e complicidade”. A demanda da Fiscalía, dixo,  constata que o “BNG tiña razón nas súas denuncias”.

Podes ver este artigo na próxima dirección /articulo/novas/aprobada-parlamento-iniciativa-do-bng-futuras-peaxes-nas-autovias/20181205155148023360.html


© 2018 BNG - Bloque Nacionalista Galego

Bloque Nacionalista Galego
Avda. Rodríguez de Viguri, 16 baixo
15703 Santiago de Compostela
GALIZA
Correo: [email protected]
Teléfono: 981555850

facebook twitter youtube whatsapp telegram instagram flickr