Imprimir

Ana Pontón pide a Feixóo que paralice a venda especulativa da AP-9, que traerá peaxes aínda máis caras

BNG - Bloque Nacionalista Galego | 11 de setembro de 2018

Ana Pontón
Ana Pontón

Critica que ABANCA pretenda facer caixa cunha infraestrutura básica para Galiza despois de ter recibido 9.000 millóns de euros públicos

A portavoz nacional, Ana Pontón, pediu ao presidente da Xunta que defenda os intereses de Galiza e paralice a venda especulativa da AP-9 que, segundo as informacións publicadas, pasa a mans dun novo fondo voitre que se convertería no novo accionista de referencia de Itínere, empresa matriz de AUDASA, que xestiona a autoestrada galega.

“Se eu fose presidente da Xunta paralizaría esta operación porque é o mínimo que pode facer Feixóo, que leva semanas de vacacións e agora vemos que está de paseo, e creemos que non pode estar de brazos cruzados ante unha cuestión de país”, salientou Pontón.

Pese a tratarse dunha infraestrutura clave até agora “Feixóo nin dixo nin fixo nada e pensamos que ten que dar un paso adiante e paralizar esta operación especulativa, porque sabemos que especulación significa peaxes máis caras”, advertiu a dirixente do Bloque. “Vemos como a AP9 está convertida nun gran negocio non só para AUDASA senón tamén para fondos voitre utilizando esta infraestrutura para facer caixa e incrementar os seus beneficios”, denunciou.

Pontón tamén puxo sobre a mesa a pretensión de ABANCA de vender o 23% da súa participación en AUDASA, “é dicir que unha entidade vinculada con Galiza, que obtivo 9.000 millóns de euros públicos, agora pretende malvender as nosas infraestruturas e seguir especulando cunha AP9 clave para este país”.

Podes ver este artigo na próxima dirección /articulo/novas/ana-ponton-pide-feixoo-paralice-venda-especulativa-da-ap-9-traera-peaxes-ainda-mais-caras/20180911133703022769.html


© 2020 BNG - Bloque Nacionalista Galego

Bloque Nacionalista Galego
Avda. Rodríguez de Viguri, 16 baixo
15703 Santiago de Compostela
GALIZA
CIF: G32014003
Correo: [email protected]
Teléfono: 981555850

facebook twitter youtube whatsapp telegram instagram flickr