Imprimir

Ana Pontón chama a [email protected] os [email protected] a votar para decidir o futuro dos concellos e para ter voz propia en Europa

BNG - Bloque Nacionalista Galego | 26 de maio de 2019

Ana Pontón
Ana Pontón

Afirma que o voto é a garantía da defensa dos dereitos democráticos, as liberdades públicas e contar con mellores servizos no noso país 

Ao igual que fixera onte na xornada de reflexión, a portavoz nacional do BNG, Ana Pontón fixo hoxe un chamamento a todos os galegos e galegas a acudir ás urnas para decidir o “futuro dos concellos e a voz en Europa”.

Tras exercer o voto na mesa do Centro de Arte Contemporánea en Compostela, acompañada da candidata á Alcaldía de Santiago, Goretti Sanmartín e membros da Executiva nacionalista,  Pontón avogou por “unha grande mobilización nas urnas” para que os galegos e galegas expresen a súa opinión e os concellos galegos segan avanzando e  contar con representantes en Europa que defendan o noso país. Hoxe, dixo, é unha xornada importante porque tomamos decisións “relevantes” para o noso presente e futuro, tanto nos concellos como naquelas decisións que se toman en Europa, polo tanto, “é o momento desa grande mobilización para seguir avanzando como país colectivamente”.

O resultado que decidamos hoxe, explicou a líder do BNG, permitirá un “horizonte con maior esperanza”. É o momento de que a cidadanía fale e todos e todas desexamos que a xornada se desenvolva con normalidade democrática.

A candidata á Alcaldía de Santiago, Goretti Sanmartín, que emitiu o seu voto na Facultade de Historia acompañada pola portavoz nacional do BNG, Ana Pontón,  animou a todos os habitantes de Compostela a votar nun día que cualificou de gran importancia  porque  serán definidas as políticas que ten que executar o concello nos próximos anos, ademais de conseguir que Santiago sexa “ese referente como Capital de Galiza”.

Hoxe correspóndenos facer un chamamento a todos os santiagueses e santiaguesas a que acudan as urnas e colectivamente decidamos as forzas políticas que estarán presentes na corporación municipal. “Hoxe temos que encher as urnas de votos e o 27 de maio  abrir esa nova etapa dun futuro mellor para o noso concello”, concluíu.

Podes ver este artigo na próxima dirección /articulo/novas/ana-ponton-chama-tod-s-galeg-s-votar-decidir-futuro-concellos-ter-voz-propia-europa/20190526140228024919.html


© 2020 BNG - Bloque Nacionalista Galego

Bloque Nacionalista Galego
Avda. Rodríguez de Viguri, 16 baixo
15703 Santiago de Compostela
GALIZA
CIF: G32014003
Correo: [email protected]
Teléfono: 981555850

facebook twitter youtube whatsapp telegram instagram flickr