Imprimir

Ana Miranda pregunta á CE se ten preparado un “plan de choque” para evitar a propagación do coronavirus

BNG - Bloque Nacionalista Galego | 25 de xaneiro de 2020

Ana Miranda
Ana Miranda
A portavoz do BNG en Europa defende a posta en marcha dun amplo programa preventivo e de reacción ante casos positivos

A portavoz do BNG en Europa, Ana Miranda, remitiu unha pregunta á Comisión Europea para que explique se xa conta cun “plan de choque” que evite a propagación do coronavirus. “Queremos saber como estariamos preparados en Europa en caso de aumentar os casos de contaxio”, explica Miranda.

Pese a que no Estado español non haxa confirmado aínda ningún caso, Ana Miranda considera imprescindible que se desenvolva un amplo programa europeo que estea coordinado e que abarque tanto actuacións preventivas como de reacción fronte aos casos positivos que se poidan declarar nos diferentes países.

“Europa non pode quedar de brazos cruzados agardando a que se produzan contaxios”, manifesta a portavoz do BNG en Europa, en referencia aos tres casos xa contabilizados en Francia. “Non podemos agardar a que esteamos nunha situación de tanta gravidade como a de China para tomar as medidas oportunas”, advirte.

 

Podes ver este artigo na próxima dirección /articulo/novas/ana-miranda-pregunta-ce-ten-preparado-plan-choque-evitar-propagacion-do-coronavirus/20200125124823026399.html


© 2020 BNG - Bloque Nacionalista Galego

Bloque Nacionalista Galego
Avda. Rodríguez de Viguri, 16 baixo
15703 Santiago de Compostela
GALIZA
CIF: G32014003
Correo: [email protected]
Teléfono: 981555850

facebook twitter youtube whatsapp telegram instagram flickr