Imprimir

Ana Miranda expresa o apoio do BNG aos presos políticos cataláns nunha visita a Junqueras, Romeva e Cuixart

BNG - Bloque Nacionalista Galego | 09 de setembro de 2019

Raül Romeva, Ana Miranda e Oriol Junqueras
Raül Romeva, Ana Miranda e Oriol Junqueras
O Bloque forma parte da plataforma “Diálogo UE – Catalunya”  

A portavoz do BNG en Europa, Ana Miranda, forma parte da delegación que hoxe visita aos presos políticos cataláns Oriol Junqueras –cabeza de lista da coalición Agora Repúblicas, coa que o Bloque se presentou ás eleccións europeas do pasado mes de maio- Raul Romeva e Jordi Cuixart.

Representado por Ana Miranda, o BNG integra a plataforma “Diálogo UE - Catalunya”, integrada por membros de diversos grupos parlamentares europeos. Así, no encontro cos presos políticos tamén participarán, entre outros, o eurodeputado François Alfonsi (do Europe Ecologie, de Corsica) e Mark Demersmaeker (Former MEP e senador do Parlamento belga).

Esta visita é a terceira de Ana Miranda aos presos políticos cataláns, nas que ademais de trasladar o apoio do Bloque ás persoas que loitan polo dereito a decidir, subliñou que “un problema político ten que ter unha solución política e dialogada”. Neste sentido, a portavoz nacionalista en Europa fai referencia ás recentes declaracións do relator especial de Nacións Unidas para a Liberdade de Expresión e Opinión, el norteamericano David Kaye, quen pediu ao goberno español que non acusen de delito de rebelión aos políticos cataláns.

“Que o relator da ONU diga que as sentencias por delito de rebelión poden implicar extensas condenas de prisión e supoñen un risco moi grave para a liberdade de expresión debería ser tido moi en conta”, apunta Ana Miradan.

 

 

Podes ver este artigo na próxima dirección /articulo/novas/ana-miranda-expresa-apoio-do-bng-aos-presos-politicos-catalans-nunha-visita-junqueras-romeva-cuixart/20190909183303025330.html


© 2019 BNG - Bloque Nacionalista Galego

Bloque Nacionalista Galego
Avda. Rodríguez de Viguri, 16 baixo
15703 Santiago de Compostela
GALIZA
Correo: [email protected]
Teléfono: 981555850

facebook twitter youtube whatsapp telegram instagram flickr