Imprimir

Ana Miranda critica a petición electoralista de fondos europeos de último minuto do Estado para a ría do Burgo

BNG - Bloque Nacionalista Galego | 25 de abril de 2019

Ría do Burgo
Ría do Burgo

A eurodeputada e titular da Comisión de Peticións recibiu resposta da Comisión Europea sinalando que o Estado non solicitara fondos FEDER para o dragado da Ria do Burgo

A eurodeputada do BNG, Ana Miranda, considera que o anuncio do Ministerio de Transición Ecolóxica para solicitar fondos FEDER para o dragado da Ria do Burgo, a tres dias das eleccións xerais é profundamente oportunista. Miranda considera que esta decisión de último minuto non ten coherencia xa que sen orzamento aprobado para cofinanciar “é un canto de serea”.

A eurodeputada do BNG lembra que seis anos despois da visita da delegación do Parlamento Europeo, e despois de falsas promesas dos gobernos PP e PSOE, a ría do Burgo segue sen dragado, sen retirar os lodos e sen analizar por que se produce esa excesiva sedimentación. “Temos un gran problema medioambiental, pero tamén económico e laboral”, manifestou, lembrando que nesta ría houbo máis de 2.000 mariscadoras en activo, mentres que neste momento son 81 as persoas que se dedican á actividade extractiva.

Ana Miranda lembra que nas reunións que celebraron en febreiro deste ano coa Comisión Europea “confirmáronlle que o Estado non solicitara aínda os fondos que estaban dispoñibles a nivel europeo”. En marzo, a eurodeputada do BNG recibiu unha nova confirmación do executivo comunitario a unha pregunta parlamentar na que reafirmaban a ausencia da petición.

Podes ver este artigo na próxima dirección /articulo/novas/ana-miranda-critica-peticion-electoralista-fondos-europeos-ultimo-minuto-do-estado-ria-do-burgo/20190425140551024587.html


© 2020 BNG - Bloque Nacionalista Galego

Bloque Nacionalista Galego
Avda. Rodríguez de Viguri, 16 baixo
15703 Santiago de Compostela
GALIZA
CIF: G32014003
Correo: [email protected]
Teléfono: 981555850

facebook twitter youtube whatsapp telegram instagram flickr