A deputada Anas Pontón acusou hoxe á Xunta de desatender a petición do concello e veciñ@s de Carnota para actuar con medidas protectoras e establecer un plan que evitara o arrastre das cinzas tras o incendio do Pindo
Só actúan con mentiras e soberbia manifestou a deputada do BNG, Ana Pontón tras a resposta do secretario xeral de Montes da Xunta, Tomás Fernández Couto a unha pregunta formulada pola nacionalista sobre os efectos da chuvia e arrastre de cinzas nas zonas queimadas durante o verán no concello de Carnota.
Se a incompetencia fora delito, a Xunta estaría condenada por delito mediombiental continuado. A incompetencia sáenos moi cara a tod@s, afirmou.
Pola súa parte, Fernández Couto culpabilizou á administración local da maior parte dos problemas xerados en vivendas, instalacións e persoas e a Xunta traballou con intensidade na e premura na redución e proteción dos suelos".
Na quenda de réplica, a deputada negou as afirmacións do secretario de Montes da Xunta e lembrou que miles de persoas, o pasado 6 de outubro, tras o incendio do Monte Pindo reclamaban, unha Galiza sen lumes e un rural con futuro.
A deputada leu parte do manifesto que denunciaba o incendio intencionado do Monte Pindo, o Olimpo celta e monte sacro dos nos antergos poñendo en perigo vidas e fogares coa destrución de explotacións agrogandeiras que fixo inútil o inxente esforzo de extinción.
Os incendios, dixo non teñen a súa orixe só no mixto que os prenden senón en anos e anos de políticas desenfocadas e o silencio cómplice dunha administración que desoíu o berro de milleiros de persoas que levamos anos pedíndolle á Xunta medidas efectivas de prevención como a declaración do Monte Pindo, Parque Natural. Esta, dixo é a única figura de protección que permite a participación directa da sociedade na xestión do espazo e que compromete un orzamento anual para poñelo en valor.
A decisión compete á vontade do conselleiro Agustín Hernández que decidiu ignorar todo aquilo polo que levamos anos loitando e que se converteu hoxe nun inmenso deserto de cinza, co gasto inútil de cartos públicos na extinción dos que unha mínima parte podería ter atallado a traxedia.
A deputada concluíu afirmando que a política forestal da Xunta representa un auténtico fracaso e advertiu que de non mudar o modelo, Galiza seguirá ardendo como aconteceu no Pindo, Xistral, Xurés, As fragas do Eume, o Caurel, A Limia, o Macizo Central e ducias de espazos naturais valiosísimos.