Luís Bará anuncia que o BNG presentará unha iniciativa parlamentaria, en forma de pregunta ao goberno galego, para que exprese a súa condena ás declaracións do Presidente do Goberno polas críticas do cambio do nome da rúa do militar golpista, Salvador Moreno polo de Rosalía de Castro.
O deputado fai "unha condena rotunda" das palabras de Rajoy sobre o militar golpista, defensor da Ditadura e ministro de Franco así como da falta de respecto a decisión do concello de Pontevedra de galeguizar e feminizar o rueiro dedicándolle a rúa a Rosalía de Castro.
Para o nacionalista, as declaracións de Rajoy insisten no "menosprezo" a unha escritora e figura fundamental no noso país.
