Parlamento Galego

O goberno da Xunta non aporta ao BNG os datos de subvencións ás empresas de automoción

Cyqo3tyWQAAxTit
Noa Presas
  • A deputada do BNG, Noa Presas formulou unha pregunta na comisión de Industria  na que asegurou que a Xunta e o Goberno central conceden subvencións a empresas de automoción “sen poñer condicións” que impidan a perda de postos de traballo e a súa deslocalización

A portavoz de Industria e deputada do BNG, Noa Presas  manifestou  que os datos aportados polo Secretario de Industria, Borja Verea Fraiz, relativos ás subvención a empresas de automoción resultan “insuficientes”  por estar referidos ao ano 2009, polo que  volveu a  solicitou a segregación dos datos de cada empresa tendo en conta, explicou, que por exemplo,   Viza Automoción Sau está “en pleno conflito” dende o verán por mor da ameaza da súa deslocalización. Neste sentido preguntou se as empresas, como a mencionada, deben recibir subvencións.

Noa Presas alertou da difícil situación do sector da automoción a causa  do desprazamento  de postos de traballo no sur de Pontevedra e norte  de Ourense  cara o Norte de Portugal. No sector da automoción, engadiu a nacionalista, existen 19.000 empregos directos, en Galiza factura por riba dos 18.000M€ ao ano, produce o 15% dos automóbiles do Estado español e o 31% das exportacións polo que entendemos, dixo, que é “un sector fundamental” que merece a nosa atención.

Dende o BNG entendemos que as entidades públicas conceden subvencións sen criterios contundentes á hora de frear “a deslocalización” e os problemas laborais derivados da rebaixa das condicións das empresas auxiliares, e das propias empresas que provoca unha menor calidade ao “colocar persoal menos especializado e sucesivos EREs”.

Industria comprometese a remitir por escrito os datos solicitados polo BNG

Pola súa parte o secretario de Industria asegurou que a realidade é “diferente, positiva e ilusiónante” ante os datos de emprego na automoción. Non podemos perder produtividade e por iso, afirmou, “hai que avanzar en abaratar o solo industrial e reducir as trabas democráticas”. Borja Verea   comprometeuse a remitir os datos  e información “por escrito” das máis de trinta empresas recollidas na pregunta parlamentaria do BNG.

Finalmente, a deputada reiterou que parte das empresas nomeadas na pregunta parlamentaria experimentaron nos últimos seis meses algúns expedientes de regulación de emprego que pode derivar nun ERE definitivo, de forma extintiva.

Afíliate, faite do bloque
Anímate a dar o paso, súmate ao proxecto do BNG