Galegas 2020

O BNG traslada o seu apoio aos traballadores de Alu Ibérica pechados no Concello da Coruña

Xosé Luís Rivas, Francisco Jorquera co comité de empresas de Alcoa
Xosé Luís Rivas, Francisco Jorquera co comité de empresas de Alcoa

O candidato do BNG pola provincia da Coruña, Xosé Luís Rivas reclama  á Xunta e Ministerio de Industria que cumpran os seus compromisos e os  acordos da empresa  tras a venda da antiga Alcoa Coruña ao Grupo Riesgo.

Pide que se investiguen as axudas públicas á empresa e pregunta polas promesas de grupos políticos con  responsabilidades no goberno central

O BNG traslada  o seu apoio aos traballadores e traballadoras de Alu Ibérica, (antiga Alcoa) pechados no concello da Coruña e pide a  Xunta e o Ministerio de Industria que  cumpran os seus compromisos e a Alu Ibérica que cumpra os acordos tras a adquisición da antiga Alcoa na Coruña.

Rivas pide  que se investiguen as axudas públicas á empresa e responsabilidades  a grupos políticos que “agora teñen responsabilidade no Goberno central”.

O candidato do BNG pola provincia da Coruña, Xosé Luís Rivas, xunto a candidata  nº 3, Mercedes Queixas, o portavoz municipal do BNG, Francisco Jorquera  e a concelleira nacionalista, Avia Veira mantiveron un encontro co comité de empresa pechado, dende hoxe, no concello da Coruña  ao que transmitiron o seu apoio  e  compromiso de  utilizar todos os medios ao seu alcance para que se cumpran as inversións, o mantemento dos postos de traballo con garantías laborais e o futuro da actividade da factoría de aluminio na Coruña, porque a empresa, dixo, “é viable e fundamental para o tecido industrial galego”.

 Asemade, Rivas volveu a reclamar a “intervención pública de Alcoa e abrir unha investigación sobre a venda da antiga Alcoa, na actualidade Alu Ibérica  ao  ao Grupo Riesgo, unha venda que cualificou de “trapicheo a  fondos mafiosos”, ás agachadas e incumprindo os  seus compromisos.

Xosé Luís Rivas (Mini)  instou á Xunta  e ao Ministerio de industria a intervir ante a ameaza da perda de  centos de postos de traballo en Alu Ibérica. Ao seu xuízo,  resulta “inadmisible” que a Xunta permaneza “desaparecida” neste conflito  mentres os traballadores levan meses reclamando unha solución nas rúas e agora vénse  obrigados a pecharse no concello para exixir a convocatoria da mesa sectorial e reparar aos traballadores e traballadoras  da perda do Plan Industrial durante dez meses.

Para a industria galega afirmou, a  situación de ALCOA é un golpe letal e dende o BNG “non imos tolerar que Alcoa  se peche”. É necesario  manter a actividade e os postos de traballo en ALCOA porque “o seu peche provocará  consecuencias económicas e sociais demoledoras para a comarca da Mariña e a Coruña”.

 

Afíliate, faite do bloque
Anímate a dar o paso, súmate ao proxecto do BNG