BNG propón medidas urxentes para salvar o sector primario, aliviar as rendas máis baixas, incrementar as pensións non contributivas e rebaixar o transporte público

Noa Presas
Noa Presas
Noa Presas reclamou incrementar as axudas contra a pobreza enerxética, a violencia de xénero e Ingreso Mínimo Vital de maneira compatible coa RISGA
BNG propón medidas urxentes para salvar o sector primario, aliviar as rendas máis baixas, incrementar as pensións non contributivas e rebaixar o transporte público

Ante a inflación máis alta dos últimos 30 anos e as consecuencias da crise económica sobre os fogares, empresas e sectores produtivos, a deputada do  BNG, Noa Presas interpelou ao concelleiro de Facenda, Miguel Corgos  afirmando que a Xunta ten competencias para tomar medidas e aínda que as previsións económicas prevían unha crise temporal, de momento, dixo, parece que non vai ser así e mesmo debemos contar con intensos incrementos a curto prazo polo impacto da guerra de Ucraína.

A nacionalista propuxo cinco medidas urxentes que, ao seu xuízo, o goberno galego pode poñer en marcha si realmente, “ten vontade política para facelo”. Dende o BNG propoñemos:  axudas directas para o se sector primario, medidas fiscais para aliviar ás rendas máis baixas, incrementar as  principais axudas sociais, como as axudas de violencia machista, pobreza enerxética ou o Ingreso Mínimo Vital e compatibilizalas  coa Risga, incrementar en 100 euros as pensións non contributivas e rebaixar as autovías e transporte público de competencia galega.

A economía galega, explicou Presas, viña ferida polas consecuencias da pandemia, a crecente desigualdade social e a debilidade dun modelo económico que non se recuperou da crise financeira do 2008.

Estamos ante un problema social e económico de primeira orde que está a afectar con maior “intensidade ao noso país ” de aí a necesidade de tomar decisións políticas para “facer valer a Galiza”. O Goberno galego, “non pode permanecer na súa parálise” e exercer de goberno “tertuliano” que se limita a mirar e criticar os demais sen achegar solucións, porque iso é o que están facendo, “máis ocupados na supervivencia do Partido Popular que na supervivencia da xente deste país”.

 Na interpelación ao goberno, Presas exixiu ao conselleiro de Facenda “concreción” nas medidas para combater a suba dos prezos e explicou que    a inflación sobe máis en Galiza pero Feixóo, ironizou a deputada, que xa debeu   empadroarse en Madrid falaba do 7,6% de inflación en febreiro cando en Galiza subiu  até o 8%,  4 décimas máis por riba do Estado. Atendendo a tendencia dos últimos meses constatamos que a “inflación é máis intensa” e o empobrecemento en Galiza “máis rápido”.

Neste sentido, afirmou que a  sociedade galega empobrécese máis rápido cun  salario medio de 600 euros máis baixo que a media estatal e coas  pensións  das máis baixas,  “o colchón co que enfrontar esta crise é máis fino cando o golpe está sendo máis intenso”, aseverou.

Por outra parte, engadiu que os efectos da inflación impactan gravemente  na estrutura económica: industria electrointensiva, sector marítimo pesqueiro, gandeiro e no consumo dos fogares e o ocio ao que engadiu a alta dependencia comercial por vía marítima e estrada e unha deficiente rede de transporte público.  

Presas cualificou de “bluff” o anunciado plan de choque da Xunta porque se reduce, dixo a  “notas de prensa, cero medidas no DOG e ningunha medida fiscal”. Onde están as axudas directas? A que esperan? preguntou.

 

Tras a intervención do conselleiro de Facenda, a deputada do BNG, volveu a propoñer as cinco medidas que o BNG considera deben ser abordadas “de inmediato” para paliar as consecuencias da brutal escaladada de prezos.

 

“Si foi rescatada a Banca e agora están sendo rescatadas as eléctricas, o goberno debe rescatar á xente”, concluíu.

BNG propón medidas urxentes para salvar o sector primario, aliviar as rendas máis baixas, incrementar as pensións non contributivas e rebaixar o transporte público