O BNG parabeniza ao Sinn Fein pola despenalización do aborto en Irlanda

Ana Miranda con mulleres do Sinn Fein
Ana Miranda con mulleres do Sinn Fein

Ana Miranda subliña que se trata dunha nova vitoria do feminismo

O BNG parabeniza ao Sinn Fein pola despenalización do aborto en Irlanda

A eurodeputada do BNG, Ana Miranda, trasladou hoxe en nome da Executiva Nacional do BNG os parabéns ás eurodeputadas do Sinn Féin, Martina Anderson, Lyann Boylan e Liadh Ni Riada polo resultado do referendo no que se aprobou a modificación da Constitución para permitir a interrupción do embarazo.

Ana Miranda destacou que este resultado se trata dunha vitoria do feminismo irlandés que ao mesmo tempo supón un avance para o conxunto do feminismo europeo. Ademais, as eurodeputadas do Sinn Féin salientaron o importante avance social que representa o debate previo, nunha sociedade de fonda tradición relixiosa e católica.

“O empoderamento das mulleres tamén está na despenalización do aborto”, manifestou a eurodeputada nacionalista.