A portavoz nacional do BNG, Ana Pontón cualifica de “temeridade” convocar aos galegas e galegas ás urnas en pleno “ estado de alarma”. Para a nacionalista, a cidadanía galega está preocupada polo proceso de desescalada e que non se produzan repuntes na crise pero tamén por unha situación económica de graves consecuencias que en números casos non permite facer fronte ao pago de facturas ou medidas para conciliar a vida laboral e familiar. Agora, remarca a nacionalista, é máis necesaria que nunca “unidade” na loita contra o COVI-19”, pero Feixóo rompe os acordos e o seu interese partidista lévao a non considerar “prioritario garantir a saúde dos galegos e galegas” conducíndonos a unhas eleccións “canto antes” e toda présa.
A líder do BNG reiterou que “non é momento de eleccións” porque a situación que estamos vivindo require que todos os gobernos e administracións se concentren na loita contra o coronavirus e na defensa da saúde de todos os galegos e galegas. Insistiu Pontón en que, a fase de alarma e a desescalada precisa de toda a atención polo que resulta “unha temeridade falar dunha convocatoria electoral”. No caso de ser así e Feixóo persiste na súa intención de ir a eleccións canto antes, abondou, debe “convocar aos partidos políticos” e nesa reunión, o BNG trasladará ao titular do executivo que resulta “unha temeridade”, en pleno estado de alarma, abordar unha convocatoria electoral.
