Comunicado da Executiva Nacional do BNG:

Fidel Castro era un dos nosos

Fidel Castro en La Habana (1960)

Carta da Executiva Nacional do BNG ao Presidente da República de Cuba, Raúl Castro.

Raúl Castro

Presidente da República de Cuba

Estimado compañeiro:

O Bloque Nacionalista Galego quere facerlle chegar o seu máis profundo pesar diante do pasamento do comandante Fidel Castro Ruz no día de onte, ao tempo que facemos extensivo este pesar á familia, ao pobo cubano e ao Partido Comunista de Cuba.

Para quen loitamos pola soberanía de Galiza e por construír unha sociedade máis xusta, Fidel Castro era un dos nosos, e non só pola orixe galega del e de vostede, senón porque a Revolución Cubana é un exemplo de loita dun pobo pola súa plena soberanía fronte ao imperialismo e pola construción dun futuro de xustiza e igualdade. Cuba debe mantense firme demostrando ao mundo que un pobo pode enfrontarse á explotación sobre a que se basea o capitalismo e construír unha sociedade na que primen a solidariedade, o respecto, a cultura, a igualdade e a xustiza.

Hoxe é un día triste pero o exemplo de Fidel sírvenos para manternos firmes na loita.

Até a Vitoria Sempre!

Afíliate, faite do bloque
Anímate a dar o paso, súmate ao proxecto do BNG