A portavoz nacional, Ana Pontón, encabeza a representación do BNG que se suma ás mobilizacións contra a venda das centrais dos ríos Xallas e Grande que pretende Villar Mir, e que arrancan mañá 8.00 horas cunha marcha desde o Concello de Cee e concluirá ás 16.00 horas no Concello de Mazaricos.
Pontón acompañará aos traballadores e traballadoras ao longo de toda esta primeira xornada de marcha en contra do intento de venta das centrais do Xallas, nunha mobilización que concluirá este sábado cunha manifestación en Santiago.
A dirixente nacionalista fai un chamamento a dar un apoio masivo a esta campaña de mobilizacións emprendida polo cadro de persoal que considera “clave” para evitar o espolio das centrais. “Fago un chamamento a participar nestas marchas e na manifestación en Compostela, porque teño o convencemento de que estas mobilizacións son a clave para paralizar o intento de Villar Mir de facer caixa vendendo estas centrais públicas da que a súa empresa só dispón en concesión”, salientou.
Para o Bloque, todo o que rodea ao intento da multinacional de “facer caixa” coas centrais dos ríos Xallas e Grande é “unha páxina negra” que espera que a Costa da Morte e Galiza podan deixar atrás canto antes.
“Todo o que rodea a este expediente, todo o que rode a esta operación só pode ser cualificado como unha páxina negra que hai que pasar, porque os recursos naturais de Galiza non poden estar ao servizo de que un empresario madrileño, -imputado por suposto financiamento ilegal do PP e investigado na operación Lezo-, pretenda facer caixa cos recursos deste país”.
Neste sentido, a dirixente do Bloque pide “respecto” para Galiza e por iso pide sumar forzas cos e coas traballadoras de Ferroatlántica “en defensa da Costa da Morte e do futuro deste país”.
