ORZAMENTOS 2017

“Os orzamentos da Xunta para 2017 son partidarios e propagandísticos” asegurou Olalla Rodil

Olalla Rodil
Olalla Rodil
“Os orzamentos da Xunta para 2017 son partidarios e propagandísticos” asegurou Olalla Rodil
  • A vicevoceira do BNG no Parlamento Galego dixo que “o único expansivo nestes orzamentos e a subida salarial do 7% para Feijoo e o seu goberno”
  • Olalla Rodil fixo unha comparación das distitntas lexislaturas entre 2009 e 2017 e a débeda que multiplicouse nun 300% desde que goberna Núñez Feijoo

A parlamentaria do BNG por Lugo, Olalla Rodil, fixo unha avaliación dos orzamentos da Xunta de Galicia para Lugo. Rodil sinalou que “trátase duns orzamentos nada expansivos que se centran en reforzar investimentos ideolóxicos do PP” e "seguen a ser unha prolongación da política propagandística de Feijoo". A vicevoceira do BNG no Parlamento Galego dixo que “o único expansivo nestes orzamentos e a subida salarial do 7% para Feijoo e o seu goberno”.

A vicevoceira do BNG no Parlamento Galegos sinalou, tamén, que "a pesares de que o gran titular do PP é que Lugo leva o maior investimento per cápita destes orzamentos, a verdade é que unha grande partida de 8,2 millóns de euros se concentra no proxecto de drons de Rozas". Tamén as obras de reforma do IES das Mercedes que leva 1 millón 600 mil euros, unhas obras cuestionadas e criticadas pola comunidade educativa e por gran parte da sociedade lucense cando se suprimiu o ensino secundario nestas instalacións.

A respecto dos investimentos para o concello de Lugo, a Parlamentaria do BNG sinalou que “non hai nada para equipar o Auditorio de Lugo, nada para recuperar os usos sociosanitarios da Residencia Vella nin para o Cuartel de San Fernando”. A respeito do Plan Paradai, outra das obras pendentes na cidade de Lugo, o proxecto de Orzamentos contempla 450 mil euros –igual que en 2016 “uns cartos insuficientes para rematar os traballos pendentes no enlace da Serra de Meira, As Gandaras e os aparcadoiros da Praza Conde Fontao e que moito me temo que non chegarán a executarse como aconteceu na pasada lexislatura”.

Rodil aclarou que a sanidade e a educación, que abranguen o 68% do Orzamento para 2017, mais suben menos do 3% en relación ao 2016 e ambas as dúas áreas continúan lonxe do orzamento co que contaban en 2009. Entre os dous departamentos supoñen 329,5 millóns de euros menos que cando Feijóo chegou á Xunta de Galiza. Doutra banda, explicou a Parlamentaria do BNG, “as 200 persoas que a Consellaría de Educación prevé incorporar ao ensino secundario o vindeiro ano supoñen unha mínima parte das prazas amortizadas desde o estourido da crise económica e que as organizacións sindicais cifran en máis de 3 mil”.

Olalla Rodil fixo unha comparación das distitntas lexislaturas entre 2009 e 2017 e a débeda que multiplicouse nun 300% desde que goberna Feijóo.  Rodil lembrou que “Núñez Feijóo fixo bandeira no seu discurso de investidura e que afecta de maneira notábel ás comarcas de Lugo é MEDIO RURAL que malia incrementarse no proxecto de Orzamentos para 2017 no 2,97% perde case 17 puntos a respeito de 2009”.  

NORMALIZACIÓN LINGÜÍSTICA

Unha das partidas que máis prexudicada se viu durante os anos de Goberno do Partido Popular foi Normalización Lingüística que despois de perder o 70% do Orzamento mantense para 2017 coa mesma cantidade que no exercicio anterior. Unha decisión que reflite o interés que suscita a situación lingüística en Galiza para o goberno do Partido Popular malia a perda de falantes.